Հասարակություն

Խոշոր հրդեհ Գյումրի քաղաքի երկհարկանի տնակում. ժամանել է հրշեջ փրկարարների 5 մարտական հաշվարկ. ՖՈՏՈՌԵՊՈՐՏԱԺ

Երեկ՝ հունիսի 5-ին, խոշոր հրդեհ է տեղի ունեցել Շիրակի մարզում։ Ժամը 23։15-ի սահմաններում ՀՀ Արտակարգ իրավիճակների նախարարության Փրկարար ծառայութան 9-11 օպերատիվ կառավարման կենտրոն ահազանգ է ստացվել, որ հրդեհ է բռնկվել Գյումրի քաղաքի Շիրակշին 3 բանավանում գտնվող երկհարկանի բնակելի շինությունում։
Ինչպես հայտնում է ֆոտոլրագրող Գագիկ Շամշյանը, դեպքի վայր են մեկնել ԱԻՆ ՓԾ Շիրակի մարզային փրկարարական վարչության Գյումրու թիվ 48 հրշեջ-փրկարարական ջոկատը՝ 5 մարտական հաշվարկով։

Տեղում հայտարարվել է հրդեհի բարդության «թիվ 2» կանչ։ Հրշեջները քաղաքացիների օգնությամբ մարել են կրակը։

Դեպքի վայր են ժամանել նաև Գյումրի քաղաքի ոստիկանության Մուշի բաժնի օպերատիվ խումբը։

Պարզվել է, որ հրդեհը բռնկվել է Շիրակի 3 բանավան 13 մոդուլ 2 բնակարանին պատկանող 2-րդ հարկում գտնվող տնակում, որն ամբղջությամբ այրվել է՝ ողջ գույքի հետ միասին։

Գ. Շամշյանի տեղեկություններով՝ տնակը պատկանում է 41-ամյա Վլադիմիր Հարոյանին, ով, ըստ տեղեկությունների, կրել է մոտ 3.5 մլն դրամի վնաս։

Վ. Հարոյանը ոստիկաններին ու հրշեջ-փրկարարներին հայտնել է, որ հնարավոր է՝ հրդեհն առաջացած լինի էլեկտրական լարերի կարճ միացումից։

Փաստի առթիվ ՀՀ ԱԻՆ հրդեհային և տեխնիկական անվտանգության հետաքննության վարչությունում նյութեր են նախապատրաստվում։ Ըստ նախնական տեղեկությունների՝ բարեբախտաբար, տուժածներ չկան։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարները՝ Խաչիկ Գևորգյանի



Կարդացեք նաեվ

Հենց հիմա այս քաղաքացին փորձում է ինքնասպան լինել, Ինչ կապ ունի Վարչապետը. ՍԵՆՍԱՑԻՈՆ կադրեր

Gayane Abovyan

Ինչ կատարվեց ռուս սահմանապահներ տեղակայելու որոշումից հետո

Gayane Abovyan

Սուպեր պարզ տնական դիմակներ ձեր դեմքի համար/Արդյունքը հաստատ կզարմացնի:

Gayane Abovyan

Մեղրիի փոխանակումը ՀՀ-ում 1 անգամ է քննարկվել,Հոկտեմբերի 27 եղավ

Gayane Abovyan

ՊԲ-ն հրապարակել է ևս 21 զոհված զինծառայողների անունները

Gayane Abovyan

Այս պատերազմն ավարտվելու է Ադրբեջանի բանակի ոչնչացմամբ. Արարատ Միրզոյան

Gayane Abovyan