Հասարակություն

Խոշոր ավտովթար Գյումրիում. Mercedes-ը բախվել է բետոնե էլեկտրասյանը, տապալել այն. բժիշկները պայքարում են վիրավորների կյանքի համար. ՖՈՏՈՌԵՊՈՐՏԱԺ, ՏԵՍԱՆՅՈՒԹ

Այսօր՝ հունիսի 16-ին, խոշոր ավտովթար է տեղի ունեցել Շիրակի մարզում: Ժամը 01:25-ի սահմաններում Գյումրի քաղաքի Տեր-Գաբրիելյան և Օզանյան փողոցների խաչմերուկում՝ «Մայր Հայաստան» հուշահամալիրից դեպի Սևերսկի տանող ավտոճանապարհին, Mercedes մակնիշի ավտոմեքենայի վարորդը, դեռևս անհայտ հանգամանքերում, դուրս է եկել ճանապարհի երթևեկելի գոտուց, բախվել բետոնե էլեկտրասյանը, տապալել այն:
Ինչպես հայտնում է ֆոտոլրագրող Գագիկ Շամշյանը, մինչ դեպքի վայր կժամանեին Արտակարգ իրավիճակների նախարարության փրկարար ծառայության Շիրակի մարզային փրկարարական վարչության հրշեջ-փրկարարները, քաղաքացիները վարորդին և ուղևորին դուրս են բերել ավտոմեքենայից և օպերատիվորեն ժամանած Գյումրու բժշկական կենտրոնի բժիշկները նախ նրանց տեղում առաջին բուժօգնությունն են ցուցաբերել, ապա տեղափոխել բժշկական կենտրոն:

Դեպքի վայր են ժամանել ճանապարհային ոստիկանության 2-րդ սպայական գումարտակի 2-րդ վաշտի 2-րդ դասակի ծառայողները՝ վաշտի հրամանատար Վաչե Մալաքյանի, դասակի հրամանատար Լյուդվիգ Ղանդիլյանի գլխավորությամբ:

Տեղում հետաքննչական աշխատանքները ղեկավարել է նույն վաշտի ավագ հետաքննիչ Նաիրի Գասպարյանը, ում կողմից փաստի առթիվ նյութեր են նախապատրաստվում:

Ոստիկանությունը պարզում է վարորդի և վիրավորների ինքնությունը:

Հիվանդանոց տեղափոխվածների առողջական վիճակը բժիշկները գնահատել են ծանր:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարները և տեսանյութը՝ Խաչիկ Գևորգյանի

Ֆոտոռեպորտաժ

Տեսանյութ

Կարդացեք նաեվ

Արյան հոտ է գալիս, ժողովուրդը քնած է, իսկ պատերազմը մոտենում է Արկադի Կարապետյան

Gayane Abovyan

Նիկոլ Փաշինյանի մարտիմեկյան հանրահավաքը

Gayane Abovyan

Զինվորը Ցնցեց .Նիկոլի կողքին եմ և վերջ․ Տղան ասեց սաղ

Gayane Abovyan

Սեյրան Օհանյանը կկալանավորվի, Կհարուցվի քրեական գործ

Gayane Abovyan

Պադլեցների հավաքածու, ինչի համար էր ձեր այդ վանդալիզմը. քաղաքացիները՝ վայրագությունների մասին

Gayane Abovyan

Թուրքական վտանգ. Արարատյան դաշտը կարող է մնալ առանց ոռոգման ջրի

Gayane Abovyan