Հասարակություն

Տեսախցիկն արձանագրել է՝ ինչպես են Երևանում ԴԱՀԿ աշխատակիցները բռնություն կիրառում քաղաքացու նկատմամբ․ ՖՈՏՈՌԵՊՈՐՏԱԺ․ ՏԵՍԱՆՅՈՒԹ

SHAMSHYAN.com-ը օրեր առաջ տեղեկություն էր հրապարակել, որ հունիսի 17-ին Երևանում Իսրայելյան փողոցում Դատական ակտերի հարկադիր կատարման ծառայողները բռնություն էին կիրառել 60-ամյա Արմեն Ե-ի նկատմամբ։
Հրապարակումից հետո ԴԱՀԿ որոշ պաշտոնյաներ նեղսրտել էին, թե Ոստիկանություն դիմած Մարինե Հ-ն, տուժած Արմեն Ե-ն և SHAMSHYAN.com-ը գույները խտացրել էին։

Այսօր, հունիսի 21-ին SHAMSHYAN.com-ին տեսանյութ է տրամադրել Արմեն Ե-ն, ինչը ներկայացնում ենք ընթերցողներին։

Ինչպես ավելի վաղ հայտնել էր SHAMSHYAN.com-ը, հունիսի 17-ին արտակարգ դեպք էր տեղի ունեցել Երևանում։ Ժամը 18։00-ի սահմաններում ոստիկանության Երևան քաղաքի վարչության օպերատիվ կառավարման կենտրոն ահազանգ էր ստացվել Իսրայելյան փողոցի բնակիչ՝ 57-ամյա Մարինե Հ-ից, ով հայտնել էր, որ 2 օր առաջ իրենց շենքի մոտ Դատական ակտերի հարկադիր կատարման ծառայողները՝ 10 հոգի, հարձակվել են ամուսնու վրա և ծեծի ենթարկել;

Վերջինս հայտնել էր նաև, որ ծեծից հետո կանչով ժամանել է շտապօգնության ավտոմեքենան, սակայն ամուսինը հրաժարվել է բուժօգնությունից, իսկ բժիշկը իրեն հայտնել է, որ դեպքի մասին ինքը տեղեկացնլու է տարածքային ոստիկանություն։

Ոստիկանության կենտրոնական բաժնի համայնքային ոստիկանության բաժանմունքի ծառայողները պարզել էին, որ հունիսի 15-ին, ժամը 11։00-ին Իսրայելյան 43 շենքում վտարման գործողություններ կատարելու ժամանակ, ըստ Մարինե Հ-ի հայտարարության, ԴԱՀԿ ծառայողները շքամուտքում՝ բնակարանի առաջ, քաշքշել էին վերջինիս ամուսնուն՝ նույն հասցեի բնակիչ, 60-ամյա Արմեն Ե-ին, գցել գետնին, ձեռքերով և ոտքերով հարվածներ հասցրել նրա մարմնի տարբեր մասերին, ինչի հետևանքով Արմեն Ե-ին պատճառվել էր մարմնական վնասվածքներ։

Գ. Շամշյանի տեղեկություններով՝ համայնքային ոստիկանության բաժանմունքում նախապատրաստված նյութերը փոխանցվել էին հետաքննչական բաժանմունք։

Ոստիկանության կենտրոնական բաժնի ծառայողները ձեռնարկում էին միջոցառումներ՝ ԴԱՀԿ նշված ծառայողների ինքնությունը պարզելու, նրանց հայտնաբերելու ուղղությամբ։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Ֆոտոռեպորտաժ

Տեսանյութ

Կարդացեք նաեվ

Օդի ջերմաստիճանը կնվազի 1-2 աստիճանով

Gayane Abovyan

Մինչև 20 հազար դրամի չափով տուգանք՝ ղեկին ծխելու համար

Gayane Abovyan

Վթարային ջրանջատում Երևանի Դավթաշեն վարչական շրջանում

Gayane Abovyan

Պուտինը դա թույլ չի տա․ ինչ են քննարկել կադրից դուրս և ինչ է բացահայտվում

Gayane Abovyan

Շատ Շտապ. Կոմանդոսի և Սատանովսկու նոր Սենսացիոն Հայտարարության մանրամասները ցնցել է ազիկներին

Gayane Abovyan

Լավրովն ու Բայրամովը քննարկել են ԼՂ վերաբերյալ համաձայնագրի իրականացման հետ կապված հարցեր

Gayane Abovyan