Հասարակություն

32-ամյա տղամարդը խոշտանգվել է Ստեփանավանի ոստիկանապետի գլխավորությամբ. նրան 3-րդ անգամ են խոշտանգել. Forrights

Երկու օր առաջ Գագիկ Կարապետյանը երրորդ անգամ խոշտանգվեց ոստիկանների կողմից, այս անգամ՝ իր սեփական բնակարանում։ Նրա հետ միասին բռնության ենթարկվեց նաև 56-ամյա մայրը՝ Սուսաննա Միրզոյանը։
Այս մասին Forrights-ին ահազանգեց տիկին Սուսաննան, քանի որ որդին այսօր կրկին ծեծված և ձերբակալված է․

«Ամսի 17-ին տանից դուրս էի եկել, հետ գամ տեսնեմ մի խումբ ոստիկաններ մեր տունը շրջափակել են։ Մոտ քսան ոստիկան՝ մի յոթ մեքենա։ Տղես էլ չդիմացավ, ասեց՝ դուռը բացի, մեկ ա բան չունեմ արած, թող գնամ տեսնեմ՝ ինչ են ուզում ինձնից»։

Գագիկը դեռ օրեր առաջ մեզ հետ զրույցում պատմում էր, որ մի քանի օր է, ինչ ոստիկանական մեքենաները շրջում են իրենց տան շրջակայքում՝ ցանկանալով վախի մեջ պահել իրեն և ընտանիքին։

«Դուռը բացելուն պես, ջարդելով գազանի պես տուն մտան Ստեփանավանի ոստիկանապետը՝ Գյուրջանյանը, տեղակալը՝ Չատինյանը, օպերխմբից՝ Ախուրյան Խաչիկը, Թաթոյան Արմենը և էլի ուրիշներ։ Սկսեցին ջարդել երեխուս․ գլխին, փորին, ձեռքերին ուժեղ խփում էին, հետո անցան ինձ․․․Թևերս բռնեցին ու սկսեցին հարվածել։ Էդ ամբողջ ընթացքը նկարում էի, ուզում էին հեռախոսս ձեռքիցս խլեին, որ չարձանագրեի։ Շոկի մեջ էի ուղղակի»,- վրդովված պատմում է տիկին Սուսաննան։

Մոր խոսքով՝ բռնությունից հետո, Գագիկ Կարապետյանին քարշ տալով տարել են ոստիկանության Ստեփանավանի բաժին, որտեղ ոստիկանապետ Արտակ Գյուրջանյանը կրկին խոշտանգել է որդուն։ Սուսաննան բաժին է հասնել այն պահին, երբ Շտապ օգնության բրիգադն է ժամանելիս եղել․

«Տեսնեմ Գագիկիս են բերում՝ ջարդված, ոչ կարողանում ա քայլի, ոչ՝ խոսա։ Երեխուս գլուխը չգիտեմ ինչ օրի ա արդեն, ուղեղի ցնցում ա ստացել հաստատ էդքան ծեծից։ Չեմ պատկերացնում՝ մեր տան մեջ գան ու ծեծի՞ ենթարկեն ոստիկանները։ Եթե էս հարցը չլուծվի, ես չգիտեմ, իմ քայլերի համար պատասխանատու չեմ։ Իմ երեխու վրա չեն կարա սարքեն»։

Մոր խոսքով՝ որդու գլխին ցանկանում են «գործ կարել» ու ստիպել ընդունել չկատարած հանցանքը։ Տիկնոջ կարծիքով՝ ոստիկաններին «գազազեցրել է» դատարանի վերջին որոշումը, երբ Վճռաբեկը Գագիկ Կարապետյանի օգտին որոշում է կայացրել։

Հիշեցնենք, որ օրեր առաջ ՀՀ վճռաբեկ դատարանը արձանագրել էր Կարապետյանի նկատմամբ իրականացված խոշտանգումը։ 2017 թվականին ոստիկանության Ստեփանավանի բաժնում ոստիկանները ծեծել, ապա ատրճանակը լիցքավորելով ուղղել են Գագիկի ճակատին և սպառնացել նրան։

Երկրորդ խոշտանգումը կատարվել է օրեր առաջ՝ հունիսի 12-ին, այս անգամ՝ ոստիկանության Տաշիրի բաժնում․

«Գագիկի երրորդ անգամվա խոշտանգումը չպետք ա օդում մնա»,- հայտարարում է մայրը։

Մանրամասներն՝ այստեղ

Ոստիկանության Ստեփանավանի բաժնի պետ Արտակ Գյուրջանյանն է

Լուսանկարը՝ Գագիկ Շամշյանի

Կարդացեք նաեվ

«Զինվորի պատգամ»…Արմենչիկի անչափ հուզիչ կատարումը` նվիրված հայ զինվորներին

Gayane Abovyan

Մայրն ու երեխան մահացան ծննդաբերության ժամանակ. Բայց հանկարծ ինչ որ ապշեցնող բան տեղի ունեցավ…

Gayane Abovyan

ՊՆ նախարարը հայտարարում է․ դե ի՞նչ է եղել որ․ մարդիկ իրանց համար հով լռված են․ Զոհրաբյան

Gayane Abovyan

Խմե, խմե մինչև վերջ մեռնեմ սրտիդ․ Հոռոմում կոնյակ հյուրասիրեցին Փաշինյանին

Gayane Abovyan

Տո Դու հլը քո կեցվածքը փոխի, նոր Փաշինյանից հարց տուր. Սասուն Միքայելյանը զայրացավ

Gayane Abovyan

Ռուս խաղաղապահները նվերներ են բաժանել Արցախի երեխաներին. տեսանյութ

Gayane Abovyan