Խոհանոց

Թխվածքաբլիթ «Մեղրային գնդիկներ»

Շատ համեղ և պարզ թխվածքաբլիթ է։ Այս բաղադրատոմսը հարմար է ինչպես տոնական թեյախմության, այնպես էլ որպես համեղ աղանդեր։

Պատրաստման ժամանակը՝ 40 րոպե։

Բաղադրիչները․

•Ցորենի ալյուր՝ 3 բաժակ
• Հավի ձու՝ 1 հատ
• ջուր՝ 60 մլ
• Շաքարավազ (կարելի է և մի փոքր ավելի քիչ)՝ 1 բաժակ
• Կարագ ՝ 100 գ
• Սոդա’ 0,5 թեյի գդալ
• Դարչին (կամ ըստ ճաշակի)՝ 0.25 թեյի գդալ
• Մշկընկույզ (կամ ըստ ճաշակի)՝ 0.25 թեյի գդալ
• Մեղր՝ 2 ճաշի գդալ։

Պատրաստման եղանակը․

1. Մեղրը խառնեք (հալեցրեք, եթե շաքարակալել է) կարագի հետ (սենյակային ջերմաստիճանի կամ թեթևակի հալած):

2. Ավելացրեք ձուն և մանրակրկիտ խառնեք: Դրանից հետո ավելացրեք շաքարավազը: Խառնեք:

3. Ավելացրեք ջուր: Համեմունքները՝ ըստ ճաշակի: Լավ խառնեք:

4. 3 փուլով ավելացրեք մաղած ալյուրը (սոդան նախապես լցրեք ալյուրի մեջ):

5. Խմորը հունցեք:

6. Խմորից պոկեք փոարիկ կտորներ և գնդիկներ սարքեք՝ ընկույզից մի քիչ փոքր։

7. Գնդիկները դրեք նախօրոք թխվածքային թղթով պատված մագաղաթյա տարայի մեջ այնպես, որ նրանց միջև տարածություն մնա։

8. Թխեք 210 ջերմաստիճանում, 15 – 20 րոպե՝ մինչև ոսկեդարչնագույն երանգ ստանալը:

9. Սպասեք սառչի, ապա գնդիկները միմյանցից առանձնացրեք: Շարեքեք ափսեի մեջ և վրան շաղ տվեք շաքարի փոշի:

Բարի ախորժակ և հաճելի թեյախմություն։

Կարդացեք նաեվ

Կաղամբով այս ուտեստը համեղ է անգամ ցանկացած մսից

Gayane Abovyan

Հավի մսի պատրաստմամ համեղ տարբերակ🍗🍗 Համեղ սոուս🥣😍🤗

Gayane Abovyan

Ներկում ենք Զատիկի ձուն առանց քիմիայի, հիանալի է ստացվում

Gayane Abovyan

Այս քաղցրավենիքի համից կշտանալ չի լինի, շատ համեղ է ստացվում

Gayane Abovyan

Կարտոֆիլը հավի մսով ջեռոցում

Gayane Abovyan

Լավաշով հավի կրծքամսով ուտեստ ջեռոցում(շաուրմա)

Gayane Abovyan