Խոհանոց

Կանաչին համեմում ենք կիտրոնով

Հայտնի բրիտանացի խոհարար Ջեյմի Օլիվերը հիանալի ուտեստներ է պատրաստում: Նրանցից մեկը գարնանային կանաչին է, որը նա համեմում է կիտրոնով: Նրա բաղադրատոմսով պատրաստած այս աղցանը հիանալի գարնիր է մսի, թռչնի, ձկան, ինչպես նաև լցոնված կարկանդակի համար: Այն նաև կարող է լինել առանձին ուտեստ:

Այն պատրաստելու համար կարող եք օգտագործել ցանկացած կանաչի` սպանախ, ղանձիլ, թրթնջուկ, մաղադանոս, սամիթ, համեմ: Մի խոսքով՝ ամեն ինչ: Այս ճաշատեսակի յուրահատուկ համի գաղտնիքը կիտրոնով համեմելու մեջ է:

Եվ այսպես, պատրաստման համար անհրաժեշտ են․

–        500 գր գարնանային կանաչի

–        1 կիտրոն

–        2 ճաշի գդալ ձիթապտղի յուղ

–        Ծովի աղ

–        Թարմ աղացած սև պղպեղ։

Պատրաստման եղանակը․

Մանր քերում եք կիտրոնի կեղևը և դնում փոքր բանկայի մեջ: Կիտրոնը կիսում եք երկու մասի, քամում եք մեկ կեսի հյութը այդ բանկայի մեջ: Ավելացնում եք ձիթապտղի յուղը, մի քիչ աղ և պղպեղ: Փակում եք կափարիչը և լավ թափ տալիս:

–        Կաթսայի մեջ կիսով չափ լցնում եք սառը ջուր: Մի քիչ աղ եք ավելացնում և եռացնում:

–        -Կտրատում եք կանաչին: Լցնում այն եռացող ջրի մեջ և եփում 3-4 րոպե, որպեսզի այն փափկի, սակայն պահպանի վառ կանաչ գույնը:

–        Կանաչին տեղափոխում եք քամիչի մեջ, որպեսզի ավելորդ ջուրը գնա, ավելացնում եք կիտրոնի սոուսը և մատուցում:

Կիտրոնով համեմված կանաչին Ջեյմի Օլիվերի բաղադրատոմսով պատրաստ է: Բարի ախորժակ:

Կարդացեք նաեվ

7 հիանալի գաղափար՝ մակարոնի ջուրը կենցաղում ու խոհանոցում օգտագործելու համար

Gayane Abovyan

Տորթ Թռչնի Կաթ համեղ միջուկով․ Նոր համ և նոր բաղադրատոմս

Gayane Abovyan

Շերտավոր խմորով փոքր ռուլետներ՝ ընդամենը 20 րոպեում

Gayane Abovyan

Հյութեղ, ախորժելի,կշտացնող, համից չեք կշտանա

Gayane Abovyan

Զատիկի սեղանի ձուկ Զատիկի ձուկ ինչպես պատրաստել զատիկի ձուկը .Ձուկը ջեռուցում

Gayane Abovyan

«Մակարոնով սուպ»-որի համից չեք հագենա

Gayane Abovyan