Հասարակություն

Ավիատոմսերի վաճառքի ռուսաստանյան որոշ կայքեր առաջարկում են դեպի Հայաստան տոմսեր. դեսպանությունը զգուշացնում է

Ավիատոմսերի վաճառքի ռուսաստանյան որոշ կայքեր այս օրերին սկսել են առաջարկել ս/թ օգոստոսի 1-ից ՌԴ տարբեր քաղաքներից դեպի Հայաստան կանոնավոր չվերթների տոմսեր, մինչդեռ նկատենք, որ երկու պետությունների միջև կանոնավոր ավիափոխադրման վերսկսման գործընթացը դեռևս ավարտված չէ, իսկ չվերթների վերսկսման ժամկետները քննարկման փուլում են։

Այս մասին հայտնում են Ռուսաստանում ՀՀ դեսպանությունից՝ շարունակելով.

«Ելնելով նշվածից՝ խորհուրդ ենք տալիս Հայաստան մեկնել ցանկացող քաղաքացիներին ավիատոմսեր ձեռք բերելու հարցում առաջնորդվել միայն չվերթների վերականգնման մասին պաշտոնական տեղեկատվությամբ՝ այլևայլ խնդիրներից խուսափելու նպատակով։

Կանոնավոր չվերթների վերականգնման ժամկետների հստակեցման վերաբերյալ տեղեկատվություն ստանալուն պես կհայտնենք։

Միևնույն ժամանակ ընդգծենք, որ առաջիկայում դեռևս շարունակվելու են իրականացվել չարտերային չվերթները։ Դրանց ժամանակցույցը մշտապես հրապարակում ենք սոցիալական ցանցերի մեր էջերում։

Հիշեցնենք, որ ՀՀ-ում գործող արտակարգ դրության ողջ ժամանակահատվածում պահպանվում է Հայաստանի Հանրապետության քաղաքացի կամ ՀՀ քաղաքացու ընտանիքի անդամ չհանդիսացող, ինչպես նաև ՀՀ տարածքում օրինական հիմքով բնակվելու իրավունք չունեցող անձանց արգելքը երկիր մուտք գործելու հարցում։

Նշենք նաև, որ Ռուսաստանից Հայաստան վերադառնալու համար քաղաքացիները դեռևս չեն կարող օգտվել ցամաքային ճանապարհից: Վերին Լարսի անցակետը շարունակում է բաց մնալ բացառապես բեռնափոխադրումների համար»:

Նյութի աղբյուր1in.am

Կարդացեք նաեվ

Օգոստոսի 7-14-ը հռչակվել է դիմակ կրելու համաշխարհային շաբաթ

Gayane Abovyan

Զգուշացեք այս պաղպաղակը երեխաներին տալուց

Gayane Abovyan

Նիկո՛լ, քեզ վիդեո եմ ուղարկում, տես՝ դուրդ գալի՞ս է. Արիանա Հովսեփյան

Gayane Abovyan

Շիրակի մարզում պտտահողմն ավերածություններ է արել նաև գերեզմանոցում՝ տապալելով մեծ թվով կանգնեցված շիրմաքարեր. ՖՈՏՈՌԵՊՈՐՏԱԺ

Gayane Abovyan

Ինչպես կարողանալ շոգին նորմալ քնել և քրտինքի մեջ չարթնանալ

Gayane Abovyan

ՇՏԱՊ՝ Ինչո՞ւ Լևոնը Ղարաբաղյան կլանը փաթաթեց Հայաստանի վզին և թողեց հեռացավ

Gayane Abovyan