Հասարակություն

Սիրելիի անակնկալը Լիլի Հովերի տարեդարձին

Լիլի Հովերը հուլիսի 25-ին նշել է ծննդյան տարեդարձը։ Տոնական օրվա մանրամասները հաղորդավարուհին վստահել է BRAVO.am-ին՝ պատմելով, որ առաջինն ընկերն ու ընտանիքի անդամներն են բարեմաղթանքներ հղել: Նա հիշել է նաեւ նախորդ տարեդարձին տեղի ունեցած զավեշտալի միջադեպը, խոսել արտակարգ դրության պայմաններում իր առօրյայի մասին, եւ ոչ միայն:



«Ավանդույթ է դարձել կեսգիշերին շնորհավորելը։ Առանց ավելորդ ձեւականության՝ ինձ համար լավագույն նվերն իմ երկրի խաղաղությունն է, բոլորիս համար բացված բարի առավոտը, հարազատներիս առողջությունն ու հանգստությունը: Այս տարի փորձեցինք հետաքրքիր դարձնել անձնական տոնս հենց մեր երկրում եւ սեղմ կազմով շրջեցինք Հայաստանի հարավում. եղանք Վայոց ձորի քաղաքներում: Սա ինձ համար իսկական նվեր էր՝ լինել բնության տաքուկ գրկում, վայելել հայրենիքի շունչն ու ոգին. մտահղացման հեղինակն ընտրյալս էր»,- պատմել է Լիլին։

Այս տարեդարձը տարբերվել է.«Սիրում եմ ծննդյանս օրը, այն սովորաբար նշում եմ հարազատներիս հետ, հաճախ Հայաստանի սահմաններից դուրս: Եթե անգամ մենակ եմ ճամփորդում, ապա ընտանիքս առանց ինձ է տոնում: Հուլիսի 25-ը մշտապես համընկնում է իմ ամառային հանգստի հետ: Կարանտինային արտակարգ դրության պայմաններում, սակայն, փոխվեցին նաեւ մեր կազմած ծրագրերը: Այս տարին այն բացառիկներից էր, որը կհիշենք բոլորս եւ հավանաբար շատ երկար»:

Լիլի Հովերը


Կազմակերպչական հարցերին չի միջամտում.«Ծննդյանս տոնի գլխավոր հյուրը ես եմ լինում: Երբեք չեմ զբաղվում հյուրերի կազմով եւ նշելու վայրի ընտրությամբ: Սա այն բացառիկ օրն է, երբ ես չեմ մասնակցում կազմակերպչական աշխատանքներին եւ անգամ տորթս չեմ ընտրում: Մեկ օր ինձ թույլ եմ տալիս վայելել հարազատներիս անակնկալները: Ինչպես ծրագրում են, թելադրում քայլերի հերթականությունը, սիրով ենթարկվում եմ եւ վայելում արդեն պատրաստի տոնը: Ժամանակ եմ ունենում անգամ մտաբերել ինձ հարազատ մարդկանց անունները, որոնք ինչ-ինչ պատճառներով մոռանում են շնորհավորել եւ ինքս զանգահարում ու ամոթանք եմ տալիս նրանց: Ընկերներս սովոր են իմ հումորներին (ծիծաղում է,-հեղ․)»։

Մտաբերել է նաեւ հիշարժան տարեդարձը.«Սիրում եմ իմ ծննդյան բոլոր տարիների տոները, դրանք միշտ առանձնացել են իրենց ուրախ տրամադրությամբ եւ յուրահատկություններով: Նախորդ տարի զավեշտալի մի դեպք պատահեց. հայրս հուլիսյան տապին Հայաստանում ձեւավորված բարձր հրդեհավտանգության պայմաններում որոշում է գործի դնել իր խոհարարական հնարքներն ու մեր բնակարանի բաց պատշգամբում սկսում է պատրաստել հայկական ավանդական խորոված: Ստանալով խոշոր հրդեհի կեղծ ահազանգ՝ հաշված րոպեների ընթացքում դեպքի վայր է ժամանում հրշեջ-փրկարարների միանգամից երեք ջոկատ: Տեսնելով, որ խնդիրն ընդամենը խորովածի առաջացրած ծուխն է, հրշեջները, պատահարը զավեշտալի որակելով, հեռանում են: Հարեւաններն էլ ֆիքսում են կադրերը (ծիծաղում է,-հեղ․)»։

Երազանքների մասին նախընտրում է լռել.«Դրանց մասին երբեք չեմ բարձրաձայնում, խիստ անձնական են: Թե ինչի մասին եմ երազում, գիտեմ միայն ես եւ ուրիշ ոչ ոք: Երազանք մտապահել եմ, փչել տորթի բոլոր մոմերը երեք անգամ. սիրում եմ այդ թիվը: Հարազատներս ենթարկվում են իմ խենթ ցանկություններին եւ, իհարկե, ծննդյանս տոնին ներում են բոլոր պահանջներս»:

Լիլի Հովերը


Դժվարությամբ է հաղթահարում արտակարգ դրության սահմանափակումները. «Ինձ համար շատ դժվար էր անցնել կյանքի այս փուլը: Հասկանում ես, որ դու ինքդ չես դիմանում ստեղծված իրավիճակին, բայց նաեւ պետք է շարժիչ ուժ լինես ե՛ւ ընտանիքիդ անդամների, ե՛ւ հեռուստադիտողի համար: Արտակարգ դրության ամենաթեժ, վտանգավոր եւ անորոշությամբ լի պայմաններում բոլոր օրերին աշխատել եմ: Երբ վերադառնում էի տուն, սկսում էի ոգեւորել մեկուսացման մեջ գտնվող եւ հուսահատված հարազատներիս, որոնք նույնպես ուզում էին գոնե աշխատանքի գնալու համար դրսում լինել: Նրանց օրն առավել հետաքրքիր դարձնելու համար ամեն անգամ մի նոր ուտեստ էի պատրաստում: Ավելի ուշ հասկացա, որ ընտանիքիս «ոգեշնչման» ճանապարհին կամաց-կամաց մոտենում եմ խոհարարական կատարելության»։

Խոսել ենք նաեւ չեղարկված նախագծերից.«Շատ են չեղարկված կամ անժամկետ հետաձգված ծրագրերը, բայց այս հարցում բոլորս էլ նույն մտահոգություններն ու խնդիրներն ունենք: Համընդհանուր խնդրի փաստը, որքան էլ ցավալի է, բայց որոշակի մեղմում է հիասթափություններս: Համամարդկային խնդիր է եւ պետք է պատվով հաղթահարենք` հոգալով մեր առողջության մասին»,-եզրափակել է Լիլին:

Կարդացեք նաեվ

Ահա թե ինչ է պլանավորվել իրականում․ Անկանխատեսելի զարգացումներ

Gayane Abovyan

Առաջինը Աշոտիկը հորը կգյուլլեր, եթե պատերազմին մասնակցած լիներ. մեզ Նիկոլը հաղթեց, ոչ թե թուրքը

Gayane Abovyan

Խնդրում եմ ազատ արձակեք բոլոր հայ գերիներին, հարգելի՛ պարոն Իլհամ Ալիև – Հեքիաթասաց Հայկ Կիրակոսյան

Gayane Abovyan

Կառավարությունում քննարկվել են արցախցիների խնդիրների լուծման աշխատանքներն ու առաջիկա քայլերը

Gayane Abovyan

ՀՐԱՏԱՊ ԼՈՒՐ՝ Սասուն Միքայելյանը վիրավորվել է դիրքերում, Կանադայի ջախջախիչ ապտակը Թուրքիային

Gayane Abovyan

Արտակարգ դեպք Երևանում. Nissan X-Trail-ը հայտնվել է Հրազդան գետում. 4 հոգի տեղափոխվել են հիվանդանոց.

Gayane Abovyan