Հասարակություն

Ադրբեջանը ռազմագերիների հանդեպ կիրառում է ճնշման միջոցներ՝ ֆիզիկական եւ հոգեբանական.Արտակ Բեգլարյան

Վերջին օրերին ինտենսիվորեն ադրբեջանական սոցիալական մեդիայում տարածվում են տարբեր լուսանկարներ ու տեսանյութեր, որոնք հիմնականում լինում են ոչ կեղծ տվյալներ եւ դրանցում տարբեր տիպի պատերազմական հանցագործություններ են ներկայացված լինում: Այս մասին այսօր՝ հոկտեմբերի 24-ին, լրագրողների հետ հանդիպման ժամանակ նշեց Արցախի մարդու իրավունքների պաշտպան Արտակ Բեգլարյանը:

«Դիակների ու ռազմագերիների հանդեպ անմարդկային վերաբերմունքի դեպքեր, գլխատման դեպքեր, նաեւ ռազմագերիներին հանրային հետաքրքրության առարկա դարձնելու դեպքեր: Նաեւ վերջին 2 օրում հրապարակված տեսանյութերից ակնհայտ է, որ նրանք ռազմագերիների հանդեպ կիրառում են ճնշման միջոցներ՝ ֆիզիկական եւ հոգեբանական, որպեսզի նրանց օգտագործեն ադրբեջանական քարոզչական թեզերը ներկայացնելու համատեքստում, ինչը միանշանակ անընդունելի է, կրկին խախտում է Ժնեւյան կոնվենցիայի, միջազգային մարդասիրական իրավունքի դրույթները»,-ասաց նա:

Այս տեսանկյունից, ըստ Արտակ Բեգլարյանի, շատ կարեւոր է, որ միջազգային հանրությունը պատշաճ ուշադրություն դարձնի այդ դեպքերի վրա, որպեսզի կանխարգելի հետագա խախտումները, նաեւ երաշխավորի ռազմագերիների իրավունքների պաշտպանությունը Ադրբեջանում, նաեւ հայ զինծառայողների դիակների նկատմամբ բացառվեն հետագա ոտնձգությունները:

Նա հիշեցրեց, որ Ադրբեջանն արդեն երկու անգամ հրաժարվել է հրադադարի պայմանները պահպանելուց, որի հետեւանքով բազմաթիվ հայ ու ադրբեջանցի զինծառայողների դիակներ հնարավոր չի լինում մարտի դաշտից տեղափոխել, նաեւ փոխանակել ու հասցնել իրենց ընտանիքներին. «Սա անմարդկային վերաբերմունք է այդ դիակների հանդեպ: Այստեղ էլ մենք հետեւություններ ունենք անելու, նաեւ միջազգային հանրությունը: Տպավորություն կա, որ Ադրբեջանը միտումնավոր չի համաձայնում մարդասիրական հրադադարի պահպանմանը, որովհետեւ ունի բազմաթիվ զոհեր եւ չի ցանկանում, որ այդ զոհերը հասնեն իրենց ընտանիքներին, որը կարող է մեծ ռեզոնանս առաջացնել ադրբեջանական հասարակության մեջ»,-ասաց նա:

Արտակ Բեգլարյանը խոսեց նաեւ մեկ այլ միտման մասին, ըստ որի Ադրբեջանը փորձում է թիրախավորել կենսական նշանակության ճանապարհները եւ այլ ենթակառուցվածքներ, որպեսզի խորացնի հումանիտար աղետը Արցախի բնակչության շրջանում:

«Երեկ էլ հրետանային միջոցներով թիրախավորել են Բերձոր քաղաքը: Փորձում են ինչ-որ ձեւով կրակի տակ պահել Հայաստանը Արցախին կապող ճանապարհը, որպեսզի հնարավորինս խաթարեն հաղորդակցությունը երկու հանրապետությունների միջեւ»,-ասաց նա:

Նյութի աղբյուրnews.am

Կարդացեք նաեվ

Տեսնես` ինչքան «Բայրաքթար» ունե՞ն. Շուշան Ստեփանյան. ՖՈՏՈ

Gayane Abovyan

Շոկային տեսանյութ..Ահա,թէ ինչպես կինը բռնացրեց ամուսնուն՝ սիրուհու հետ

Gayane Abovyan

Ինչ եղանակ է սպասվում առաջիկա օրերին

Gayane Abovyan

Հայաստանում գրանցվել է կորոնավիրուսով վարակման 73, մահվան՝ 6 դեպք

Gayane Abovyan

Մենք ոչինչ չենք մոռացել… Օգտատիրոջ անչափ դիպուկ հիշեցումը նախկին իշխանություններին և սատարող խոսքը Նիկոլ Փաշինյանի մասին, որը կարդալ է պետք

Gayane Abovyan

Անվադողերի հավաքագրում՝ առաջնագիծ ուղարկելու նպատակով

Gayane Abovyan