Հասարակություն

Արցախի ԱԳՆ-ի պատասխանը` Ալիևի հայտարարությանը

iPress.amԱրցախի Հանրապետության Արտաքին գործերի նախարարությունը հայտարարություն  է տարածել՝ ի պատասխան Թյուրքալեզու պետությունների համագործակցության խորհրդի գագաթնաժողովում Ադրբեջանի նախագահի ելույթին։

«Թյուրքալեզու պետությունների համագործակցության խորհրդի գագաթնաժողովում Ադրբեջանի նախագահ Իլհամ Ալիևի կողմից արված հայտարարությունը բավականին մտահոգիչ է՝ տարածաշրջանում երկարատև խաղաղության և կայունության հաստատման տեսանկյունից:

Ադրբեջանի նախագահը շարունակում է հակահայկական տրամադրություններ հրահրել ոչ միայն Ադրբեջանում, այլ նաև թյուրքալեզու և մահմեդական երկրների հասարակություններում: Դրանով Ադրբեջանի ղեկավարը միտումնավոր էթնիկ և կրոնական երանգներ է հաղորդում ադրբեջանա-ղարաբաղյան հակամարտությանը՝ փորձելով թյուրքական և մահմեդական աշխարհները համախմբել Ադրբեջանի նկրտումների շուրջ:

Ալիևը ադրբեջանա-ղարաբաղյան հակամարտությունը և հայատյացությունը նպատակաուղղված կերպով տեղափոխում է պանթուրքիզմի և պանիսլամիզմի հարթություն՝ այսպիսով ծայրահեղականության տարրեր հաղորդելով այդ գաղափարախոսություններին:

Եվ այս համատեքստում Ադրբեջանի, Թուրքիայի և միջազգային ահաբեկիչների հանցավոր եռադաշինքի առաջին լուրջ աշխարհաքաղաքական հայտը հանդիսացավ 2020 թվականի սեպտեմբերի 27-ին Արցախի Հանրապետության դեմ սանձազերծված լայնածավալ ռազմական ագրեսիան: Դրան հաջորդում են ծավալապաշտական նկրտումները նաև Հայաստանի Հանրապետության տարբեր տարածքների, մասնավորապես՝ Սյունիքի նկատմամբ:

Միջազգային հանրության կողմից համարժեք քայլերի բացակայության ներքո այլ տարածաշրջաններում ևս անշուշտ տեղի են ունենալու համանման գործողություններ, որոնք համաշխարհային անվտանգության համար հղի են անկանխատեսելի հետևանքներով»,- ասված է հայտարարության մեջ:

Կարդացեք նաեվ

Արտասովոր տեղեկություն սահմանից․

Gayane Abovyan

ՏԵՍԱՆՅՈՒԹ.Ականատեսը նկարահանել է, թե ինչպես է Սոչիում ջրի հոսքը քշում-տանում կայանված մեքենան

Gayane Abovyan

Շուշիի պես մի օր էլ կհանձնեն Սյունիքը.

Gayane Abovyan

Վարդան Ղուկասյանը պատմում է թե ինչպես ընկավ ՀՀ-ում բանտ Թովմասյանի թեթև ձեռքի օգնությամբ

Gayane Abovyan

Հրատապ. 150 ադրբեջանցի է զոհվել

Gayane Abovyan

Լակոտ-լուկուտները,որ փողոցներում ափռ-ցփռ դուրս են տալիս,ուզում եմ ասել՝ հերիք եղավ,բոլ եղավ․Փաշինյան

Gayane Abovyan